NAGKAKAISANG PAMAYANAN ALAY SA MAHAL NA BIRHEN NG SANTO ROSARYO

The Official Website of
OUR LADY OF THE HOLY ROSARY PARISH

Mass Schedule Visit Our Parish

OUR LADY OF THE HOLY ROSARY PARISH

MAYSAN, VALENZUELA CITY
Est. 1978

KAMANLALAKBAY NG PAG-ASA

Misyonero ng Pananampalataya

Ang Hubileo ng Pag-asa ay isang espesyal na panahon ng biyaya, awa, at kapayapaan, na nagpapahayag na hindi pinababayaan ng Diyos ang Kanyang mga tao. Ito’y isang panawagan para sa pagpapanibago, pagkakasundo, at pagpapatawad, na naglalayong magbigay ng pag-asa sa mga nangangailangan at itaguyod ang pagkakaisa.

Sa pamamagitan ng personal na pakikipagtagpo kay Kristo at pagtutulungan, inaanyayahan ang lahat na maglakbay nang sama-sama tungo sa panloob na pagbabago at pagbuo ng isang mas makatao at Kristiyanong mundo.

PANANAW

Ang Parokya ng Mahal na Birhen ng Santo Rosaryo ay naglalayong magkaroon ng isang buhay na sambayanan, patuloy na nahuhubog sa Salita ng Diyos at sama-samang nagbabahagi ng panahon, talino at yaman tungo sa epektibo at inobatibong paglilingkod sa Diyos at sa kapwa, kasama ang Mahal na Ina at sa patnubay ng Espiritu Santo.

MISYON

ACTIVE PARTICIPATION

  • Aktibong pakikiisa sa mga gawaing pang-Liturhiya na itinatakda ng Diyosesis, Bikarya at ng Parokya.

  • Sama-samang tumutugon sa panawagan ng Simbahan at ng pamayanan na nagpapakita ng pagpapahalaga sa buhay at pamilya at kumikilos sa mga pangangailangan at suliraning panlipunan.

  • Nagtataguyod ng kapitbahayan na nag-uugnay sa pagbuo ng isang sambayanan.

CONTINUOUS AND ON-GOING PARTICIPATION

  • Paglulunsad ng mga programang magpapalalim ng pananampalataya at kaalaman sa Salita ng Diyos

  • Makapag-anyaya sa iba na maging bahagi ng Simbahan sa pamamagitan ng pagsasagawa ng mga pagsasanay, pagtitipon at mga programang nagpapakita ng pagdedebosyon sa Mahal na Birheng Maria

  • Pagbibigay ng mga pagsasanay o pag-aaral sa mga kabataang nagnanais maglingkod sa Simbahan at pagtataguyod ng mga programang magpapalalim ng pananampalataya ng mga kabataan at mapaigting ang kanilang pananabik sa paglilingkod

  • Pagtataguyod ng mga programang may kinalaman sa sining, teknolohiya at makabagong pamamaraan sa paglilingkod at pagbabahagi ng Salita ng Diyos

STEWARDSHIP

  • Paglulunsad ng mga programang makakahikayat sa mga mananampalataya na makapagbahagi ng panahon, talino at yaman, na makakatulong sa pangangailangan ng Simbahan at makapagtaguyod ng mga programang pastoral

  • Pagsusulong ng kamalayan tungo sa pakikibahagi ng bawat mananampalataya na nasasakupan ng Parokya